Молитвы необходимые для знания и разумного понимания каждому православному христианину
Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Отче наш, Иже еси́ на небесе́х! Да святи́тся и́мя Твое́, да приидет Царствие Твое, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Досто́йно есть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Символ веры
(краткое исповедание нашей Христиансокй веры, которая была дана Спасителем нашим Господом Иисусом Христом, содержалась и исповедовалась святыми мучениками, подтверждена и исповедана на Вселенских соборах. Исповедание это – основа нашей веры, надежда на спасение)
- Ве́рую во Еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым.
- И во Еди́наго Го́спода Иису́са Христа́, Сы́на Бо́жия Единоро́днаго, Иже от Отца́ рожде́ннаго пре́жде всех век. Све́та от све́та, Бо́га и́стинна от Бо́га и́стинна, рожде́нна, не сотворе́нна, единосу́щна Отцу́, и́мже вся бы́ша.
- Нас ра́ди, челове́к, и на́шего ра́ди спасе́ния сше́дшаго с небе́с, и воплоти́вшагося от Ду́ха Свя́та и Мари́и Де́вы, и вочелове́чшася.
- Распя́таго же за ны при Понти́йстем Пила́те, и страда́вша, и погребе́на.
- И воcкре́сшаго в тре́тий день по писа́нием.
- И возше́дшаго на небеса́, и седя́ща одесну́ю Отца́.
- И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.
- И в Ду́ха Свята́го, Го́спода Животворя́щаго, и́же от Отца́ исходя́щаго, и́же со Отце́м и Сы́ном споклоня́ема и ссла́вима, глаго́лавшаго проро́ки.
- Во еди́ну Святу́ю Собо́рную и Апо́стольскую Це́рковь.
- Испове́дую еди́но креще́ние во оставле́ние грехо́в.
- Ча́ю воскресе́ния ме́ртвых,
- и жи́зни бу́дущаго ве́ка. Ами́нь.
Скачать Молитвы для восприемников.
Просмотрено (85)